Filipino Activities: Mga Awtput sa Ikatlong Markahan

Awtput 6: (Sanaysay tungkol sa Kalayaan ng mga Kabataan) = Desree Gale De Guzman

Kalayaan ng mga Kabataan

Ano nga ba ang kalayaan? Masama ba itong makamtan ng mga kabataan katulad ko?

Sa buhay ko, paminsan nakakamtan ko ang aking kalayaan ngunit paminsan ay di naman. Di ko nga alam kung bakit ganito ang mundo? Paminsan nakukuha mo ang gusto mo pero paminsan ay di naman.

Katulad na lang sa akin, kung paminsan kung gusto kong pumunta sa sinehan o saan bang lugar kasama ang mga kaibigan ko ay di ako pinapayagan ng mga magulang kong umalis. Dapat kailangan ko pang magbigay ng reason upang makaalis. Paminsan naman ay pinagbabawalan akong maglaro ng kompyuter kahit tapos naman akong gumawa ng aking takdang-aralin at mga requirements sa aming paaralan. Kailangan daw na mag-aral ng mag-aral at tuwing weekend lamang ako pwedeng maglaro ng kompyuter. Sabi rin ng mga magulang ko ay bata pa daw ako at konti pa lamang ang aking nalalaman at naiintindihan sa mundong ito. Dapat daw na makinig sa kanila o sa nakakatanda sa akin.

Kailan ko ba makakamtan ang aking kalayaan? Kailan ba ako magiging malaya? Dapat bang maging matanda na upang makamtan ang aking kalayaan? Bakit ganito ang mundo? Kailangan bang maging ganito ang buhay ko?

Awtput 6: (Sanaysay tungkol sa Kalayaan ng mga Kabataan) = Rayvin Teodoro

“Kalayaan” para sa kabataan

Lahat tayo gusto maging malaya lalung-lalo na ang mga kabataan sa henerasyon ngayon. Ngayon sa mga kabataan may ibang ibig sabihin ang kalayaan. Anu nga ba ang kalayaan para sa kabataan kagaya ko?

Para sa aming kabataan iba ang ibig sabihin ng kalayaan. Para sa amin ito ang pagiging malaya sa mga gagawin, kalayaan sa pagdedesisyon at kalayaan sa pagpili ng kaibigan. Iyan ang mga bagay naming gusto at para sa amin kung malaya kami may karapatan kaming gawin ang tatlong iyan. Kami rin ay pinagbabawalan na maglaro ng computer games dahil nakakasira naman iyon.

Kakaiba nga naman talaga kaming mga kabataan ngayon. Parating gusto nila ang masusunod pero para sa aming mga magulang kahit konti respetuhin aming desisyon sapagkat may utak rin kami na ginagamit para may desisyon at malaman ang tama sa mali.

Awtput 8: (Larawan at Detalye tungkol sa Zamboanga's Best) = Desree Gale De Guzman